Pakistan - Ico: Autorët E Atentatit Në Lahore Janë Armiq Të Isalmit
XHEDAH (Arabia Saudite), 3 korrik /ATSH-AFP/ - Organizata e Konferencës Islamike,(ICO), dënoi sot atentatin e dyfishtë kamikaz të së enjtes në Lahore, Pakistan, ku mbetën të vdekur 43 persona dhe të plagosur mbi 170, duke i cilësuar autorët ''armiq të betuar të islamit".
Përmes një deklarate, sekretari i përgjithshëm i ICO-s, Ekmeluddin Ihsanoglu, "dënoi ashpër atentatet e rëndë kamikaze" të kryera në një mauzole të shenjtë për pelegrinët myslimanë në Lahore, qyteti i dytë i rëndësishëm i Pakistanit.
"Përgjegjësit për të tilla akte terroriste që janë për të ardhur keq janë armiq të betuar të islamit dhe njerëzimit, si dhe duhet të përballen me çdo kusht me drejtësinë", u shpreh Ihsanoglu.
Një kamikaz shpërtheu sasinë e konsiderueshme të lëndës eksplozive që mbante në trup ndërkohë që ndodhej në krah të mauzoleut duke shkaktuar vdekjen e disa pelegrinëve dhe panik, ndërkohë që menjëherë një kamikaz tjetër shpërtheu një tjerë bombë në momentin që turma po përpiqej të shkonte drejt daljes së sallës së lutjeve./
/i.p/
