Soft News - Shba - Schwarzeneger I Shqetësuar Nga Fshirja E Një Grafiti Patriotik
LOS ANXHELES, 3 korrik /ATSH-AFP/ - Një flamur amerikan gjigant i pikturuar në bordurën e një autostrade kaliforniane pas atentateve të 11 shtatorit u fshi nga administrata e transporteve, një veprim i pamenduar mirë sipas guvernatorit Arnold Schwarzeneger, një ditë nga festa kombëtare amerikane.
"Jam njoftuar që administrata kaliforniane e transporteve Caltrans ka fshirë kohët e fundit një afresk patriotik dhe me një interes të madh, pikturuar në bordurën e autostradës 680 pas ngjarjeve tragjike të 11 shtatorit'', deklaroi guvernatori në një komunikatë.
''Reagimi, disa ditë para festës së pavarësisë amerikane, reflektimi i lirisë që ne kemi mundësi të gëzojmë në SHBA, është i pamenduar mirë'', konfirmoi ai.
Ish-Terminatori përfundon komunikatën duke i kërkuar falje artistëve, afreskët e të cilëve kanë inspiruar automobilistët për tetë vjet e gjysmë./
/ec/
