Brazil, 5 Korrik 2010 NOA - Një klimë vërtet e tensionuar ajo që ka përfshirë përfaqësuesen e Brazilit në momentin pasi janë kthyer në shtëpinë e tyre pas aventurës së përfunduar keq në Botërorin e Afrikë e Jugut 2010.
Kanë qenë të shumtë agjentët e policisë të cilët kanë shoqëruar lojtarët gjatë këtij kthimi dhe kjo pasi tifozët ishin mjaft të zhgënjyer për atë eliminim fatal që i ndali rrugpn drejt gjysmëfinales dhe finales së madhe të Botërorit 2010.
Një ndër lojtarët, i cili është pritur veçanërisht në një mënyrë jo të ngrohtë nga tifozët brazilianë, ka qenë padyshim Felipe Melo.
Mesfushori i Juventusit u ndëshkua me kartonin e kuq, në këtë sfidë dhe kjo pas atij xhesti të shëmtuar ndaj Robben.
Melo u largua nga aeroporti pa lënë asnjë koment dhe kanë qenë të shumtë agjentët e policisë, të cilët rrethuan makinën e tij dhe kjo pasi ishte në mes të tifozëve të irrituar të cilët e fyenin atë vazhdimisht.
r.b/NOA
