Pekin, 4 korrik, NOA - Deri në vitin 2015 popullsia e Kinës në zonat urbane do të jetë më e madhe se ajo në zonat rurale. Numri i kinezëve në qytete do të arrijë në 700 milionë banorë.
Burimet zyrtare kineze pohojnë se deri në vitin 2015 presin të kenë 1.39 miliardë banorë nga 1.32 miliardë që ka aktualisht.
Kina është një vend me popullsinë më të madhe në botë. Deri në fund të vitit 2002, popullsia e përgjithshme e Kinës ishte l miliardë e 284 milionë e 530 mijë. Në këtë shifër nuk është përfshir popullsia e rajoneve të posacme administrative të Honkongut dhe Makaos dhe të provincës Tajvan.
Popullsia e Kinës përbën 1/5 të popullsisë së përgjithshme të botës. Kina është gjithashtu një vend me dëndësinë më të madhe të popullsisë në botë, mesatarisht 135 banorë për kilometër katërore.
Shpërndarja e popullsisë së Kinës është e pabarabartë, në pjesën lindore ka më shumë popullsi, kurse në pjesën perendimore më pak. Në zonat bregdetare të pjesës lindore, mesatarisht në çdo kilometër katërore jetojnë më se 400 banorë, në pjesën qendrore janë më se 200 banorë për kilometër katërore, kurse në zonat e rafshnaltës perendimore, rreth l0 banorë në cdo kilometër katërore. Jetëgjatësia mesatare e kinezëve ka arritur në 71.40 vjece. Meshkujt jetojnë mesatarisht 69,63 vjeç dhe e femrat 73,33 vjeç. Këto shifra janë 5 vjet më shumë se niveli mesatar në botë.
NOA
