Tiranë, 5 korrik, NOA, Rajmonda Lajthia - Nuk ka kthim pas në vendimin për prishjen e ndërtimeve pa leje, jo vetëm në Hamallaj, por edhe në çdo vend tjetër, ku objektet nuk janë pjesë e procesit të legalizimit. Ajo që pritet është që policia e shtetit të bëjë gati planin e masave, pasi ndërhyrja sërish në Hamallaj është çeshtje ditësh.
“Po presim policinë që të jetë gati, në mënyrë që ne të vijojmë punën tonë. Ato ndërtime aty, nuk janë pjesë e ligjit të legalizimit, madje disa prej tyre janë ndërtuar pas viteve 2006-2007”- u shpreh kryeinspektori i Inspektoriatit Ndërtimor, Gjergji Bojaxhi.
Sipas tij, bashkëpunimi me policinë është një moment që ka nevojë për përmirësim.
Ndërsa mesazhi për banorët e zonës së Durrësit, ku do të vijojë aksioni është i qartë.
“Mbi 400 objekte pa leje që shtrihen përgjatë zonës bregdetare të Durrësit do të prishen”, theksoi Bajaxhi.
Pak ditë më parë, në komunën Hamallaj, të qarkut Durrës u krijua një situatë e pazakontë, ku banorë të zonës i bënë rezistencë të fortë policisë, për të mos prishur ndërtimet pa leje, aksion ky që mund të konsiderohet një dështim i uniformave blu, pasi disa efektivë u plagosën banorët, gjatë detyrës.
r.l/NOA
