Durrës, 5 korrik, NOA – Prodhonte armë luftarake në mënyrë artizanale por arrestohet në flagrancë.
Policia e Durrësit, njoftoi se në orën 02.00, të mëngjesit të sotëm arrestoi në shtëpinë e tij, në lagjen 6 të qytetit të Durrësit, 26 vjeçarin me iniciale A.T.
I arrestuari njofton policia kishte kryer tetë klasë shkollë, dhe ishte i padënuar më parë.
Në bazë të informacioneve në rrugë operative, në mbrëmjen e 3 korrikut, policia e Durrësit kishte kryer kontroll në këtë lagje në Durrës, dhe 26 vjeçarit iu gjet një armë zjarri artizanale në formë stilolapsi, të cilën e mbante pa leje.
Kjo i ka mjaftuar oficerëve të policisë së Durrësit, që dje të lëshonin urdhrin e arrestit ndaj 26 vjeçarit A.T, i cili tashmë po ndiqet penalisht për prodhimin e armëve luftarake dhe mbajtjen e tyre pa leje.
mit/NOA
