Obama Përshëndet Komorowskin Dhe Vendosmërinë E Polakëve Pas Zgjedhjeve Presidenciale
UASHINGTON, 5 korrik /ATSH-AFP/ - Barack Obama uroi sot, Bronislaw Komorowskin për fitoren në zgjedhjet presidenciale në Poloni dhe përshëndeti vendosmërinë e popullit polak, pas vdekjes së presidentit, Lech Kaczynski në një aksident ajror në muajin prill.
''Presidenti amerikan i telefonoi presidentit të zgjedhur Komorowski për ta përshëndetur për fitoren e tij në zgjedhjet presidenciale'', theksoi Shtëpia e Bardhë në një komunikatë.
Obama theksoi se ''vendosmëria dhe forca e treguar nga populli polak përballë kësaj tragjedie të pazakontë ka qenë e jashtëzakonshme'', vijon komunikata e presidencës amerikane.
Në përfundim të turit të dytë të zgjedhjeve presidenciale në Poloni, Bronislaw Komorowski, aleat i kryeministrit pro-evropian, Donald Tusk fitoi përballë kundërshtarit të tij, Jaroslaw Kaczynski, vëllai binjak i presidentit, Lech Kaczynski, i cili humbi jetën në një aksident ajror më 10 prill në Rusi./
/ec/
