Elbasan, 6 Korrik, NOA – Një grua në kushtet e depresionit të rëndë ka pirë medikamentet që përdorte burri i saj dhe ndërsa është gjendur në gjendje mjaft të rëndë shëndetësore nga familjarët e saj, është dërguar menjëherë në spitalin kirurgjik të Elbasanit.
Lajmi konfirmohet prej burimeve policore të këtij qyteti për agjencinë e Lajmeve NOA, sipas të cilave, gruaja e vetëhelmuar mban inicialet B.D, vjeç 33, lindur e banuese në fshatin Selitë të Elbasanit.
Bëhet me dije se nga ana e policisë në vendngjarje u dërgua grupi hetimor, i cili pasi kreu veprimet e para hetimore si dhe nga deklarimet e te afërmve të saj, konstatuan se e lartpërmendura, në kushtet e depresionit nervor, ka konsumuar një sasi tabletash mjekësore për kurimin e tensionit, medikamente të cilat i përdorte bashkëshorti i saj.
Aktualisht gjendja shëndetësore e kësaj gruaje është tepër e rënduar, ndërsa nga forcat policore po punohet për dokumentimin e plotë të ngjarjes.
Materialet iu kaluan prokurorisë së Elbasanit për veprime të mëtejshme.
n.e/NOA
