Strasburg - Fillon Dënon Akuzat E Ngritura Kundër Presidentit Francez Nga Bettencourt
STRASBURG, 6 korrik /ATSH-AFP/ - Kryeministri francez, François Fillon dënoi sot akuzat e ngritura nga trashëgimtarja e kompanisë kozmetike ''L'Oreal'', Liliane Bettencourt në lidhje me një financim të paligjshëm në vitin 2007 në përfitim të presidentit francez, Nikolas Sarkozi
Fillon u shpreh gjatë një konference shtypi në Parlamentin Evropian në përfundim të një takimi me presidentin e Komisionit Evropian, Hose Manuel Barroso.
Presidenti francez u përball me krizën politike më të rëndë që prej marrjes së mandatit të tij në vitin 2007 me skandalin Woerth-Bettencourt dhe zbulimin e saj të fundit, sipas së cilës, Sarkozy kishte përfituar nga ajo një shumë pej 150 000 eurosh për fushatën e tij.
Faqja e internetit të ''Mediapart'' publikoi një intervistë të ish-llogaritares të trashëgimtares së gjigantit të kozmetikës ''L''Oreal'', Liliane Bettencourt, gruaja më e pasur në Francë.
Ish-llogaritarja Bettencourt theksoi se i kishte dhënë Eric Woerth, sot ministër i Punës një shumë prej 150 000 eurosh për të financuar fushatën presidenciale të Nicolas Sarkozy në pranverë 2007./
/ec/
