Gjirokastër, 8 korrik, NOA – Policia e Gjirokastrës ka vënë në pranga 18 vjeçarin nga Gjirokastra Stelio Bezhani.
Sipas policisë së qarkut, Stelio Bezhani u arrestua mbrëmë në orën 20.00.
Specialistët e Komisariatit të Gjirokastrës, bënë të mundur zbardhjen dhe dokumentimin ligjor të një vjedhjeje të ndodhur në konviktin e vajzave të shkollës së mesme Petagogjike “Pandeli Sotiri” Gjirokastër.
Dhe sipas hetimeve, rezultoi se në 24 qershor, rreth orës 18.30, Stelio Bezhani bashkë me një adoleshent me iniciale E.R, i arrestuar më parë për një tjetër vjedhje, kanë shpërthyer zgarën e dritares së dhomës së kaldajës në konviktin e shkollës Petagogjike, dhe pasi janë futur brenda kanë vjedhur tubat e bakrit të sistemit të shpërndarjes së kësaj kaldaje, duke i coptuar dhe më pas i kanë shitur.
Tashmë Stelio Bezhani po ndiqet penalisht për vjedhje në bashkëpunim nga prokuroria e Gjirokastrës.
mit/NOA
