Durrës, 8 korrik, NOA – Donte të zhdoganonte një mjet të vjedhur por arrestohet në flagrancë në portin e Durrësit.
Policia kufitare e qytetit bregdetar ndaloi dje dhe nisi procedimin penal në gjendje të lirë ndaj 40 vjeçarit me iniciale S.A., nga fshati Valikardhë, i komunës së Zerqanit në Bulqizë.
Sipas policisë së Durrësit, procedimi ndaj 40 vjeçarit nisi dje rreth orës 13.00, pasi ai ishte paraqitur në sportelin e dhënies së lejeve provizore të qarkullimit të Portit të Durrësit, me praktiken e zhdoganimit të mjetit kamion Fiat OM me targa MN240593, me qëllim marrjen e lejes provizore të qarkullimit për këtë mjet.
Nga verifikimi i bazës së të dhënave nga punonjësit e Policisë Kufitare të Portit të Durrësit, rezultoi se kamioni Fiat ishte vjedhur në 29 janar të vitit 1988 në Afrikën e Jugut.
Policia kufitare sekuestroi mjetin dhe dokumentacionin e tij dhe po ndjek penalisht të për veprën e trafikimit të mjeteve motorike.
mit/NOA
