Përmet, 8 korrik, NOA – Tentoi të vidhte një lokal, por diktohet dhe arrestohet nga policia.
Kështu është gjendur në pranga, 31 vjeçari nga fshati Zhepovë i Përmetit, Françesko Kasaj.
Kasaj u arrestua dje rreth orës 19.00, në Përmet.
Sipas policisë, 31 vjeçari Kasaj, dje në orët e para të mëngjesit ka tentuar të vjedhë në lokalit “Eurolloto”, por kjo vjedhje mbeti në tentativë, pasi 31 vjeçari u diktua nga pronari i lokalit, i cili më pas ka lajmëruar policinë.
Por, arrestimi i 31 vjeçarit Françesko Kasaj erdhi edhe për një tjetër vepër penale.
Kasaj, më 6 korrik, pas një sherri për motive të dobëta, ka kërcënuar seriozisht për vrasje dy fqinjë të tij.
Mbi 31 vjeçarin janë ngritur tashmë akuzat për veprat e tentativës për vjedhje, kanosje me armë, dhe prishje e qetësisë publike.
mit/NOA
