Foto të tjera, te GALERIA
Tiranë, 8 Korrik 2010 NOA – Policia e Tiranës ka folur mbrëmjen e sotme mbi atentatin e ndodhur gjatë mesditës në mes të Tiranës, ku gjeti vdekjen Franc Konomi, i njohur si person me probleme me drejtësinë.
Atentati ndodhi sot rreth orës 11.40, në rrugën “Luigj Gurakuqi” në Tiranë dhe atje është vrarë me armë zjarri 42-vjeçari Franc Konomi, me banim në Tiranë.
Mësohet se viktima kishte pak kohë që ishte kthyer nga Gjermania. Grupi i posaçëm hetimor, mbërriti menjëherë në vendin e ngjarjes nga ku kreu të gjitha veprimet e para hetimore e procedurale, duke administruar të gjitha provat, të cilat do të shërbejnë për zbardhjen e plotë të rrethanave të kësaj vrasje.
“Autorët e ngjarjes, janë larguar menjëherë pas kryerjes së këtij krimi me një mjet tip motor”, - deklaroi policia. Në vendin e ngjarjes janë gjetur dhe sekuestruar një sërë provash materiale të cilat do të shërbejnë për zbardhjen e plotë të kësaj ngjarje.Mësohet se grupi hetimor aktualisht po heton në disa pista duke u nisur edhe nga fakti që viktima ka qenë person me preçedentë penalë.
“Aktualisht, strukturat e Hetimit të Policisë së kryeqytetit dhe më konkretisht Specialistët e Seksionit Kundër Krimeve ndaj Jetës dhe Shëndetit në bashkëpunim me Prokurorinë e Rrethit Gjyqësor Tiranë, po punojnë për zbardhjen tërësisht të rrethanave dhe motive të këtij kësaj ngjarje, që do të çojnë në drejtim të kapjes së autorëve”, - tha zyrtarisht policia e Tiranës, duke siguruar se “për çdo ecuri të hetimit të kësaj ngjarjeje, do t’ju informojnë në ditët në vijim”.
r.n/NOA
{youtube}2nVcvLNZzkw{/youtube}
