Sport-Botëror/ Blater: Mandela Duhet T'I Dorëzojë Kupën E Botës Ekipit Fitues
TIRANË, 10 Korrik/ ATSH- Gjergji Mima/ - Presidenti i FIFA-s, Joseph Blatter, shpreson që të jetë Nelson Mandela ai që do dorëzojë trofeun e Kupës së Botës në fund të finales së ditës së diel mes Spanjës dhe Holandës.
"Nëse Nelson Mandela vjen dhe qëndron deri në fund të ndeshjes është e mundur që trofeun ta dorëzojë ai. E dimë të gjithë se ai nuk ka qënë i pranishëm në stadiume për shkak të zisë në familje pas vdekjes së mbesës. Tani shpresojmë me zemër që ai të jetë në finale", thekson Blatter.
Sipas shefit të FIFA-s, do të ishte një nder për Afrikën e Jugut dhe gjithë Afrikën nëse ai do ishte i pranishëm në finale, sepse ka qënë pikërisht Mandela ai që ka punuar shumë për të cuar Kupën e Botës në kontinentin e zi.
Fondacioni Mandela ka bërë me dije se vendimi për praninë e ikonës së lirisë në finale do të merret ditën e nesërme. /a.ke/
