Prishtinë, 11 korrik, NOA – Ndërsa mbrëmja e sotme do të shënojë edhe fitimin nga Spanja apo Holanda të kupës së 19-të të botës në futboll, kjo ngjarje mbarë botërore ku janë fiksuar sytë e miliarda tifozëve të mbarë botës, është perceptuar si një ditë aksioni kombëtar nga të rinjtë e Lëvizjes për Bashkim të Kosovës.
Të rinjtë e kësaj lëvizjeje zhvilluan sot aksionin e radhës nën moton “një komb-një kombëtare”.
Ky aktivitet u mbajt para ndërtesës së Teatrit Kombëtar në kryeqendrën e Kosovës, Prishtinë.
Duke iu referuar mungesës së fanellës së Kosovës nëpër aktivitetet e mëdha ndërkombëtare sportive, të rinjtë e talentuar në disiplinat e ndryshme sportive evidentuan këtë mungesë të flamurit shqiptar në një ngjarje të madhe sportive, sikundër është Kampionati Botëror i Futbollit, Afrika 2010.
Sipas të rinjve të Lëvizjes për Bashkim Kombëtar, një hap i parë e vendimtar në këtë drejtim u konsiderua krijimi i një kombëtareje prezantuese shqiptare në futboll, me pjesëmarrje mbarëshqiptare.
Të rinjtë deklaruar se pas krijimit të kësaj skuadrë do të nste edhe krijimi i skuadrave shqiptare edhe disiplina të tjera sportive, duke rritur ndjeshëm jo vetëm paraqitjen, por edhe rezultatin e përfaqësueseve shqiptare në arenën ndërkombëtare sportive.
mit/NOA
