Tiranë, 12 Korrik 2010 NOA/ Rid Bulku - Zonja dhe zotërinj, këtu vjen peshkaqeni i madh i bardhë (Carcharodon carcharias), vrasësi më i egër i shtatë deteve. Por siç shihni në pamjet më poshtë, më shumë se një peshkaqen, protagonist në këtë video duket të jetë “peshkaqenësh”: luan, rrotullohet në ujë dhe lejon të kapet dhe nga bishti.
{youtube}C6trY0RdVEU{/youtube}
Ai që noton së bashku me peshkaqenin e frikshëm është Mike Rutzen, një ish peshkatar zhytjesh profesionist nga Afrika e Jugut, i cili është pjesëmarrës i një sporti që kërkon zhytjen në mes të peshkaqenëve pa mbrojtje.
Rutzen, me përvojë të madhe ndaj peshkaqenëve të bardhë, prej vitesh ka luftuar për mbrojtjen e kësaj specie, e cila është e kërcënuar seriozisht për mbijetesë nga ndotja, zbrazja e deteve dhe peshkimi sportiv.
Me këto imazhe, dhe të tjera si puna e saj, Rutzen dëshiron të provojë se këto peshkaqenë të frikshëm mund të trajtohen pa frikë, me kusht që njerëzit të mësojnë sjelljet dhe gjuhën e tyre.
r.b/NOA
