Tiranë, 12 korrik, NOA – Ndërsa pak më parë selia rozë akuzoi Kryetaren e Kuvendit, Jozefina Topalli për përfitim dhe pasurim në kurriz të shqiptarëve, reagon edhe administrata e Kuvendit, duke i quajtur të turpshme shpifjet e kreut të PS-së, Rama dhe të ndjekësve të tij, duke nënvizuar se “haluçinacionet e kryetarit të Shegushe Ligorit nuk çudisin më askënd”.
Përmes një deklarate administrata e kuvendit sqaron se “është e hapur t’i japë Shegushe Ligorit dhe kujtdo tjetër shpjegime për çdo qindarkë të shpenzuar nga ky institucion”.
Më tej administrata e kuvendit shpjegon se “nuk çuditet që znj. Ligori ende nuk e di se Kryetari i Kuvendit nuk firmos për asnjë lek, por firmos vetëm ligje, rezoluta, vendime e marrëveshje të miratuara nga seanca plenare”.
Ajo saktësoi edhe praktikën e njohur se “Kryetari i Kuvendit paguhet sipas ligjit ashtu si çdo paraardhës i saj, në këtë post”.
mit/NOA
