Mjekësi - Vera E Kuqe Mbron Edhe Sytë
UASHINGTON, 12 korrik /ATSH-MIA/ - Përbërësi i cili mund të pengojë sëmundjet që çojnë deri në verbim gjenden te vera e kuqe, kanë bërë të ditur studiuesit në ''Washington University School of Medicine'' në Saint Louis.
Resveratroli gjendet te rrushi, boronicat, kikirikët dhe disa bimë të tjera dhe mund të parandalojë dhe kontrollojë angiogjenezën e syrit (rritjen e enëve të reja të gjakut dhe hematomat në sy).
Suksesi i këtij përbërësi është dëshmuar te kaviet, ndërsa do të mund të përdoret edhe te njerëzit, çka do të thotë se terapia me verë të kuqe do të mund të ishte edhe më e dobishme, përveç efekteve të tjera pozitive te njerëzit./
a.jor.
