Ps: Maxhoranca Të Pranojë Ngritjen E Komisionit Hetimor
TIRANË, 12 Korrik/ATSH/.- Sekretari Organizativ në Partinë Socialiste (PS), Blendi Klosi i bëri sot thirrje
kryeministrit Sali Berisha që të angazhohet për të përmbushur detyrat që i ngarkon rezoluta e Parlamentit Europian, e miratuar pak ditë më parë.
Në një deklaratë për mediat, deputeti Klosi në emër të PS-së i kërkoi maxhorancës që "të pranojë ngritjen e komisionit të ri hetimor për zgjedhjet e 28 qershorit, të pranojë që opozita ta drejtojë dhe të ketë shumicën në këtë komision, ndërsa mandati i tij të jetë hetimi i materialeve zgjedhore në funksion të transparencës së zgjedhjeve të 28 qershorit".
Sekretari socialist "i kërkoi kryeministrit Berisha t'a harrojë djegien e fletëve të votimit dhe çdo lloj pengese për të penguar punën e këtij komisioni, sepse kjo do të shënonte ndarjen përfundimtare më këtë parlament e me këtë qeveri".
Gjithashtu sot, në një deklaratë për mediat, deputetja e PS-së Shega Ligori akuzoi kryetaren e Kuvendit Jozefina Topalli se po pasurohet duke përdorur postin e saj publik.
"Kryetarja e Kuvendit abuzon e mashtron me financat publike, për të përfituar ca para më tepër, pavarësisht se rroga e saj është ndër më të lartat në këtë vend", tha Ligori. /a.s//n.m/
