Tiranë, 12 korrik, NOA – Të rinjtë kontingjent i vjedhjeve të ndryshme janë shtuar ndjeshëm në qytetet tona.
Me akuzën e vjedhjes kanë rënë dje në prangat e policisë dy të rinj në Tiranë.
19 vjeçari Zef Ndue Nikolli dhe 23 vjeçari Shpend Feta Bega janë dy të rinjtë e arrestuar nga policia e qarkut të Tiranës.
Dy të rinjtë Zef Nikolli i lindur në Mirditë dhe Shpend Bega i lindur në Mat, që të dy banues në fshatin Linzë të Tiranës, u arrestuan pasi kshin vjedhur në magazinën e një kompanie private.
Sikundër policia thekson të dy të rinjtë në bashkëpunim me njëri – tjetrin në kohë të ndryshme, pikërisht në zonën ku edhe banonin, Linzë kanë vjedhur materiale me vlera të konsiderueshme në një magazinë private.
Kanë qenë oficerët e Komisariatit të Policisë Nr.4 Tiranë, që i zunë në flagrancë dy të rinjtë.
Ndërkaq, policia sekuestroi një automjet tip “BMV”, me targa TR 3303 S, armë të ftohta tip bajonetë dhe materialet e vjedhura, si lavatriçe, frigorifer, pompa lavazhi, etj...
Policia njofton se pas hetimesh mbi këto vjedhje të ndodhura ndaj kompanisë private, rezultoi se dy të rinjtë, Zef Nikolli dhe Shpend Bega pasi i kryen vjedhjet e lartpërmendura i nxirrnin këto materiale në shitje, nëpër qytete te ndryshme.
Policia po punon tashmë për t’i dokumentuar tërësisht vjedhjet e kryera.
Sipas policisë shumë banesa në Tiranë, dyshohet të jenë vjedhur nga dy të rinjtë në bashkëpunim.
19 vjeçari Zef Nikolli dhe 23 vjeçari Shpend Bega po ndiqen tashmë nga prokuroria e Tiranës.
mit/NOA
