Davutoglu: Turqia Insiston Në Hetimin Ndërkombëtar Për Sulmin Izralit Kundër Flotiljes Për Gazën
STAMBOLL, 13 korrik /ATSH-MIA/ - Ministri turk i Punëve të Jashtme, Ahmet Davutoglu
deklaroi sot se vendi i tij insiston në hetimin ndërkombëtar për sulmin izraelit mbi flotiljen me
ndihma humanitare për Rripin e Gazës.
Deklarata e Davutoglusë vjen një ditë pas shpalljes së raportit izraelit për ngjarjen, ku thuhet
se ka pasur lëshime gjatë organizimit dhe realizimit të aksionit.
Davutoglu deklaroi se përshëndet faktin se në raportin pranohet ekzistenca e gabimeve duke theksuar se komandot izraelite kanë kryer krime, shkak për të cilin Turqia insiston në hetim
ndërkombëtar.
Marrëdhëniet mes Turqisë dhe Izraelit, që paraprakisht kanë qenë aleatë, kanë rënë në një nivel të ulët të paprecedent pas sulmit izraelit më 31 maj, ku humbën jetë nëntë aktivistë turq.
Izraeli pohon se komandot kanë reaguar në vetëmbrojtje dhe është kundër formimit të
komisionit të OKB-s për hetime./
a.jor.
