Grupi Parlamentar I Ps-Së Mandaton Gramoz Ruçin Për Negociatat Me Pd-Në
TIRANË, 13 Korrik/ATSH/.- Grupi parlamentar i Partisë Socialiste mandatoi sot kryetarin e tij, Gramoz Ruçi, për nisjen e negociatave me kryetarin e grupit parlamentar të Partisë Demokratike, Astrit Patozi, për gjetjen e zgjidhjes së ngërçit politik në vend.
Krerët e dy grupeve më të mëdha në parlament do të negociojnë për çështjen e komisionit hetimor për zgjedhjet e 28 qershorit.
Ky hap i opozitës erdhi pas deklarimit të djeshëm të Kryeministrit Sali Berisha, i cili njoftoi vendimin e PD-së për të ngarkuar drejtuesin e grupit të saj parlamentar, Astrit Patozi, që të ndërmjetësojë me PS-në në hetimin e zgjedhjeve të përgjithshme të vitit 2009.
Kryeministri Berisha tha se maxhoranca edhe më pare ishte shprehur e gatshme për transparencën e zgjedhjeve bazuar në rezolutën e Parlamentit Europian./a.s/s.s./
