Gjermani - Merkel Humb Mazhorancën Në Dhomën E Lartë Të Parlamentit
BERLIN, 14 korrik /ATSH-AFP/ - Kancelarja gjermane, Angela Merkel humbi mazhorancën që kishte në Dhomën e Lartë të parlamentit pas zgjedhjes së sotme të një qeverie të pakicës së majtë në Renani-Vestfalinë Veriore, në perëndim të Gjermanisë.
Liderja aktuale e socialdemokratëve, (SPD), Hannelore Kraft u zgjodh, me votat e të Gjelbërve, në krye të qeverisë rajonale të landit më të populluar të Gjermanisë, që përfshin basenin e vjetër industrial të Ruhrit.
Ajo mori mbështetjen e 90 deputetëve të parlamentit, 80 deputetë votuan kundër dhe 11 abstenuan.
Konservatorët, që deri në këto momente qeverisnin rajonin, kishin humbur mazhorancën në zgjedhjet rajonale të 9 majit dhe pas zgjedhjeve partitë po përpiqeshin të formonin koalicione qeverisëse./
/i.p/ a.jor.
