Uashington, 14 Korrik, NOA – Kompania britanike naftë-nxjerrëse “British Petrolium” ka shtyrë testin e parashikuar prej saj për të vënë nën kontroll derdhjen e naftës në Gjirin e Meksikës, nëpërmjet një gypi thithës.
E kjo pasi mësohet se kanë dalë probleme të paparashikuara lidhur me zbatimin e tij, ndërsa gjetja u përfol si një risi me vlerë në procesin e parandalimit të derdhjes së mëtejshme të naftës në det.
Prova pritej të fillonte që ditën e djeshme, por duket se ekspertët kanë dhënë urdhër që ajo të mos zbatohet pa marrë masat e duhura.
Arsyeja e vonesës ka të bëjë me kërkesat e të ngarkuarit të qeverisë amerikane për luftimin e katrastrofës, Thad Allen, për zhvillimin e analizave paraprake.
Ndërkaq, ekzistojnë dyshime nëse konstruksioni është në gjendje të përballojë presionin e madh, që krijohet nga derdhja e naftës në thellësinë 1.500 metra.
n.e/NOA
