Iran - Dy Shpërthime Në Një Xhami Shkaktojnë Më Shumë Se 20 Të Vdekur
TEHERAN, 15 korrik /ATSH-AFP/ - Më shumë se 20 persona kanë humbur jetën dhe 100 të tjerë janë plagosur gjatë një sulmi kundër një xhamie shiite në Zahedan, në juglindje të Iranit, njoftoi agjencia zyrtare e lajmeve IRNA.
"Dy shpërthime para xhamisë Jamia të Zahedanit kanë shkaktuar më shumë se 20 të vdekur dhe 100 të plagosur", deklaroi Fariborz Rashedi, drejtuesi i ekipeve të shpëtimit në provincën Sistan-Balukistan, cituar nga agjencia IRNA.
Sipas agjencisë IRNA, shpërthimi i parë ndodhi rreth orës 21:20 (1650 GMT) dhe pas pak i dyti.
Zëvendësministri i Brendshëm, Ali Abdollahi, cituar nga agjencia e lajmeve FARS, deklaroi se "në bazë të informacioneve paraprake mund të bëhet fjalë për një atentat vetëvrasës".
/e.v/
