Presidenti Topi Dekreton Medi Bicin Anëtar Të Gjykatës Së Lartë
TIRANË, 15 Korrik/ATSH/.- Presidenti i Republikës, Bamir Topi, i dorëzoi sot paradite në Presidencë z. Medi Bici dekretin e emërimit në Gjykatën e Lartë, duke e përgëzuar dhe duke i uruar njëkohësisht suksese në detyrën e rëndësishme dhe plot përgjegjësi.
Sipas një njoftimi zyrtar nga Presidenca, anëtari më i ri i Gjykatës së Lartë, Medi Bici, u propozua nga Presidenti Topi për në Gjykatën e Lartë më 25 maj 2010 dhe kandidatura e tij u votua dhe u miratua në Parlamentin shqiptar në seancën plenare të 8 korrikut./a.s/s.s./
