Sondazh - Amerikanët Të Ndarë Lidhur Me Strategjinë E Obamës Në Afganistan
N
UASHINGTON, 15 korrik /ATSH-AFP/ - Rreth 44 për qind e amerikanëve nuk e mbështesin qasjen e presidentit Barack Obama lidhur me situatën në Afganistan, përqindje gjithmonë e në shtim që prej pranverës, sipas një sondazhi të realizuar kohët e fundit nga televizioni amerikan 'CBS'.
Bëhej fjalë për 37 për qind të cilët nuk e mbështesnin politikën e tij në Afganistan në një sondazh paraardhës të realizuar po nga televizioni 'CBS' në muajin maj.
Rreth 43 për qind e individëve të pyetur vazhdojnë të mbështesin politikën e Obamës në Afganistan, ndërkohë që gjatë muajit maj niveli i kësaj mbështetjeje arrinte në mbi 44 për qind.
Por përqindja e personave të pavendosur lidhur me këtë çështje u ul në nivelin 13 për qind kundrejt 19 për qind që ishte regjistruar gjatë muajit maj.
Pjesa më e madhe e të anketuarve u shprehën se lufta po "ecën keq'', rreth 41 për qind për tyre, ndërsa "shumë keq" u përgjigjën 21, pothuajse dyfish më tepër krahasuar me 12 për qind të tyre që rezultonin në majin maj, ndërsa vetëm 29 për qind e të anketuarve u përgjigjën se zhvillimet në Afganistan duken "përgjithësisht të mira" për SHBA-në./
/i.p/
