Fushë-Krujë, 16 Korrik, NOA – Ndërsa drejtonte makinën, një shofer ka humbur kontrollin e saj duke u përplasur me një makinë tjetër dhe duke dëmtuar rëndë pasagjerin e saj.
Ngjarja konfirmohet nga burimet policore të Korçës për agjencinë e Lajmeve NOA, sipas të cilave, autor i saj mësohet të jetë Selim Alla, 58 vjeç banues në Fushë-Krujë.
Konkretisht, ajo ka ndodhur në aksin rrugor Pogradec-Librazhd, në afërsi të vendit të quajtur “Fortesat”, në hyrje të qytetit të Pogradecit, kur ai duke drejtuar mjetin e tij tip Seat Ibiza me targa NZE 3306 duke humbur kontrollin, është përplasur me mjetin tip Renault me targa NBP 6154, me drejtues 48-vjeçarin R.Çela.
Për pasojë, ka mbetur i plagosur 61-vjeçari N.Gegprifti, i cili udhëtonte si pasagjer me këtë person.
I dëmtuari ndodhet aktualisht në spitalin e Pogradecit, jashtë rrezikut për jetën, ndërsa materialet rreth tij do t’i kalojnë prokurorisë së Pogradecit për hetime të mëtejshme.
n.e/NOA
