Azerbajxhani Dhe Be Fillojnë Negociatat Për Asocim
BAKU, 17 korrik /ATSH-MIA/ - Azerbajxhani dhe BE-ja filluan dje në Baku negociatat për arritjen e marrëveshjes për asocim.
Kjo marrëveshje, që do të thellojë integrimin e ish-republikës sovjetike në strukturat
evropiane, do të përfshijë bashkëpunim dypalësh në sferën e politikës, ekonomisë, sigurimit, tregtisë, energjetikës dhe zhvillimit të demokracisë.
"Azerbajxhani sillet në mënyrë pozitive ndaj perspektivës për nënshkrim të marrëveshjes për asocim me BE-në duke vlerësuar se kjo do të kontribuojë për thellimin e reformave në vend", deklaroi shefi i delegacionit të Azerbajxhanit, zëvendësministri i Punëve të Jashtme, Mahmud Mamedkuliev.
Ai theksoi se vendi i tij i ka propozuar BE-së të miratojnë edhe një dokument për të ashtuquajturin modernizim, ku parashikohet veprim i ndërsjellë në sferën ekonomike si dhe në luftën kundër krimit të organizuar, pastrimit të parave dhe korrupsionit.
Përfaqësuesi i BE-së, John Kraer shtoi se negociatat për asocim të vendeve nga Kaukazi Jugor, që fillojnë në të njëjtën kohë, paraqiten si etapë e re nga bashkëpunimi me shtetet nga rajoni.
"BE-ja ka interes strategjik për t'u siguruar stabilitet dhe zhvillim fqinjëve të saj lindorë", theksoi Kraer.
BE-ja filloi dy ditë më parë negociatat për asocim edhe me Gjeorgjinë, ndërsa të hënën ky proces do të fillojë me Armeninë./
a.jor.
