Meksikë - Të Paktën 12 Të Vdekur Nga Përleshjet Mes Ushtrisë Dhe Bandave Kriminale
MEKSIKO, 17 korrik /ATSH-AFP/ - Përleshjet me armë mes ushtrisë dhe bandave kriminale shkaktuan të paktën 12 të vdekur në qytetin Nuevo Laredo, në verilindje të Meksikës, në kufi me Teksasin, sipas Ministrisë së Brendshme në Meksiko.
"Nëntë kriminelë, dy civilë dhe një ushtarak u vranë në tre përplasje mes ushtrisë dhe bandave kriminale, ku si pasojë u plagosën të paktën 21 persona në radhët e shoqërisë civile", theksoi ministria në një komunikatë.
Shkëmbimet e zjarrit shkaktuan skena paniku në popull, por gjithashtu bandat kishin bllokuar edhe disa rrugë./
/ec/
