Policia Arreston Grabitësit E Shtetasve Malazezë
Lezhë, 18 Korrik./ATSH, A.Gegvataj /- Policia e Lezhës arrestoi mbrëmjen e së shtunës tre te rinj, që dyshohen si grabitësit e dy shtetasve malazezë gjatë javës.
Burime nga policia e Lezhës bënë të ditur se "të arrestuarit janë Valentin Nikolli 25 vjeç , Flori Nikolli 25 vjeç dhe Ardit Skanaj 24 vjeç". Sipas saj, gjatë përplasjes me armë me uniformat blu, mbeti i vrarë 16 vjeçari me iniciale A.T.
Ngjarja e rëndë ndodhi pasditën e së shtunës në fshatin Balldre ku makina me targa TR 7870 R në të cilën ndodheshin 4 persona nuk i ka ndaluar patrullës së policisë por kanë hapur zjarrë ndaj tyre.
Sipas burimeve policore bëhet e ditur se gjatë shkëmbimit të zjarrit mes policisë dhe personave me makinë me targa të kryeqytetit, mbeti i vrarë 16 vjeçari me iniciale A.T, ndërsa është plagosur lehtë një efektiv policie.
Pak ditë më parë tre shtetas malazezë janë grabitur me maska në një local në hyrje të autostradës Lezhë-Shkodër.
Sipas policisë atyre u janë grabitur rreth 20 mijë dollarë, dokumentat amerikane që dispononin si dhe makina më të cilën udhëtonin./n.m/
