Elbasan: Aksioni Policor, Arrestohet Një I Dyshuar Për Vrasje
ELBASAN, 19 Korrik/ATSH-Miranda Sadiku / - Rreth 100 uniforma blu të Drejtorisë së Policisë së Qarkut të Elbasanit të mbështetur edhe nga Forcat e Ndërhyrjes së shpejtë në Tiranë, ndërmorën ditën e sotme një aksion për kapjen e dy shtetasve të dyshuar për veprën penale të "vrasjes".
Aksioni u zhvillua në lagjen " Partzani" të qytetit të Elbasanit, ku mësohet se është arrestuar një prej dy të shumëkërkuarve, ndërsa tjetri është në kërkim. I arrestuari u gjet në një banesë private të lagjes " Patizani" ku qëndronte i fshehur.
Operacioni vazhdon ndërsa paraprakisht Policia nuk bën të ditur identitetin e shtetasit të arrestuar, për arsye hetimi.
Po sot, Drejtoria e Policisë së Qarkut të Elbasanit ka finalizuar me sukses operacionin e koduar " Holiday" ku vetëm gjatë 48 orëve të fundit është bërë i mundur arrestimi i 12 personave.
/gj.m/
