Vrasja Në Laprakë, Shpërblim Për Vendodhjen E Autorit
TIRANË, 19 Korrik /ATSH-M.Shkurta/.- Policia e kryeqytetit ka vënë në dispozion 5 mijë euro për çdo informacion për vendndodhjen e autorit të vrasjes së mbrëmshme, në një lokal në rrugën "Don Bosko", në afërsi të Spitalit Ushtarak, Tiranë, kur një i ri u qëllua me armë zjarri në kokë rreth orës 21.30 të mbrëmjes.
Në vendngjarje kanë shkuar forcat e policisë, të cilët pas mbledhjes së të dhënave dhe kryerjes së ekspertizës, njoftuan se viktima quhet Gëzim Marku dhe se ai është qëlluar me armë zjarrë nga Artur Meçi, shtetas i cili është shpallur në kërkim.
Mendohet se viktima ka qenë i ulur në një tavolinë me shtetasin Marku dhe motrën e këtij të fundit, ku dhe dyshohet se është ekzekutuar nga një distancë e afërt pas një debati gjatë të cilit mendohet që viktima Marku i ka premtuar so do të fejohet me motrën e Meçit.
Policia shoqëroi motrën e autorit të kësaj ngjarjeje të rëndë, për të dhënë sqarime të mëtejshme, ndërsa shtetasi Artur Meçi është shpallur në kërkim.
Gjithashtu, në polici janë shoqëruar punonjësit e lokalit, klientë dhe dëshmitarë të rastit . Mësohet se është duke u negociuar me familjarët e autorit, që ky i fundit të dorëzohet në polici.
/f.n/
