Durrës, 20 korrik, NOA – Dyshohen si vjedhës të lopëve të dy fshatarëve të tjerë në Durrës, por kanë rënë në prangat e policisë tre autorët.
Policia e krimit ekonomik në qytetin bregdetar ka arrestuar sot 51 vjeçarin nga Durrësi, Besnik Xhafa, i dënuar më para për moskallëzim krimi; 42 vjeçarin nga fshati Shënavlash i Durrësit Bardhok Ndoj dhe 48 vjeçarin nga fshati Jubë i Katundit të Ri në Durrës, Pask Tilka.
Sipas policisë të tre këta shtetas u ndaluan sot ngase në bazë të të dhënave të marra nga hetimet në rrugë dhe informacionet në rrugë operative, dyshohen të kenë vjedhur bagëtitë e dy fshatarëve durrsakë.
Përkatësisht autorët i kanë vjedhur dy lopë, përkatësisht dy fshatarëve të ndryshëm.
Tre të arrestuarit në bashkëpunim i kanë vjedhur lopën, në 12 korrik, 50 vjeçarit me iniciale K.G., banor në lagjen 8 të Durrësit.
Të njëjtën vepër penale e kanë konsumuar edhe ndaj 47 vjeçarit S.D nga fshati Fllakë i Durrësit, të cilit i kanë vjedhur një lopë.
Të tre të arrestuarit, Besnik Xhafa, Bardhok Ndoj dhe Pask Tilka po hetohen tashmë për vjedhje në bashkëpunim nga prokuroria e Durrësit.
mit/NOA
