Prizren, 20 Korrik, NOA – Asociacioni për Kulturë, Edukim dhe Arsim (AKEA) njofton se nga data 29 korrik-2 gusht organizon Panairin e Librit në Prizren.
Ky është edicioni i 2-të i panairit të librit që organizohet ptej këtij organizmi kulturor dhe synon të kthehet në një eveniment tradicional.
Bëhet me dijeni se “Panairi i Librit 2010” do të mbahet në ambient të hapur, në qendër të Prizrenit, te ish-parkingu, afër Sheshit Shadërvan.
Deri tani, e kanë konfirmuar pjesëmarrjen e tyre rreth 20 shtëpi botuese nga Kosova, Shqipëria dhe Maqedonia.
Ndërkaq, disa nga shtëpitë botuese nuk do të dërgojnë përfaqësuesit e tyre në “Panairin e Librit 2010” në Prizren, pasi synojnë të marrin pjesë në “Panairin e Librit” që do të mbahet në Ulqin, gati në të njëjtat ditë.
n.e/NOA
