Fier: Ne 24 Oret E Fundit Ndalohen 4 Shtetas
FIER, 21 Korrik /ATSH -Rr.Isufaj /. - Tre shtetas nga qyteti i Fierit dhe nje i katërt nga fshati Gorishovë i ketij rrethi, jane ndaluar nga policia për vepra të ndryshme penale gjatë 24 orëve të fundit.
Burime zyrtare te policise lokale thane per ATSH-ne se, "48-vjeçari Halit Kajlica është ndaluar nën akuzën "Përvetësim i parave ose mallrave të vjedhur", ndërsa 18-vjeçari Edmond Memeti dhe 37-vjeçari Leonard Tafa u ndaluan nën akuzën e "Vjedhjes në bashkëpunim".
Sipas të njëjtave burime, "shtetasi i katërt është 48-vjeçari Luan Lamçe nga fshati Gorishovë e rrethit Fier, i cili është ndaluar nën akuzën "Plagosje e rëndë me dashje". Rreth orës 23.30 të ditës së martë, Lamçe ka tentuar të vrasë për motive të dobëta me mjete të forta shtetasin Q.S., i cili ndodhet në spitalin e qytetit të Fierit jashtë rrezikut për jetën. /a.ke/
