Greqi - Dy Të Vdekur Dhe Dhjetëra Të Plagosur Pas Një Aksidenti Rrugor
R
ATHINË, 22 korrik /ATSH-MIA/ - Dy persona humbën jetën, ndërsa dhjetëra të tjerë janë plagosur pas përplasjes ballore mes një autobusi dhe një kamioni në rrugën mes Selanikut dhe Verias, njoftoi agjencia greke ANA-MPA.
Në autobus ka pasur 50 udhëtarë.
Drejtuesi i autobusit dhe ndihmësi i tij humbën jetën, ndërkohë që është plagosur rëndë edhe shoferi i kamionit.
Autobusi transportonte fëmijë nga një kamp veror i Selanikut.
Sipas informacioneve të para, në rajon ka pasur reshje të dobëta shiu dhe rruga ka qenë e rrëshqitshme.
Ekipet e shpëtimit po përpiqen të nxjerrin fëmijët nga autobusi./
a.jor.
