Kronika Shkurt, Shkodër - 22 Korrik
* Arrestohet kultivuesi i lëndëve narkotike
SHKODËR - Policia arrestoti të enjten një person të dyshuar për kultivim të lëndëve narkotike, bëri të ditur policia.
Sipas policisë, Gazmend Geshtenja, 40 vjeç, nga fshati Venilaj i Shkodrës, u arrestua pasi në një parcelë bujqësore, në pronësi të tij, u gjetën 271 rrënjë bimë narkotike canabis sattiva.
Bimët narkotike u asgjësuan me anë të djegies, thanë të njëjtat burime./g.marku/ch/
* Sekuestohen lojrat e fatit, pronari ndiqet në gjendje të lirë
SHKODËR - Në një lokal me lojëra fati policia sekuestroi të enjten 10 aparate elektronike, 2 ruleta dhe 2 tavolina lojrash poker, të cilat nuk ishin të pajisura me dokumentat përkatëse.
Pronari i lokalit do të gjykohet në gjendje të lirë bëri të ditur policia. Ai akuzohet për veprën penale "organizim të lotarive të palejuara"./g.marku/ch/
