Tiranë, 22 Korrik 2010 NOA – Ndryshim në Ligjin për Arsimin e Lartë, Masteri i Nivelit të Dytë do të njihet si master shkencor dhe jo si master profesional. Në këtë mënyrë, studentët i afrohen më shumë doktoraturës dhe për ta, ky ndryshim është një fitore në favor të tyre.
Vendimi u mor në Komisionin e Edukimit të Parlamentit, i cili vendosi që duke bërë ndryshime në ligj, të pranojë kërkesën e ardhur si nga universitetet, pedagogët, dhe nga studentët.
Sipas ndryshimit të bërë, kërkuar kryesisht nga Universiteti i Tiranës, çdo person i cili ka mbaruar Masterin e Nivelit të Dytë, një vjeçar, ka të drejtë të aplikojë menjëherë për të mbrojtur Doktoraturën pasi MND do të konsiderohet si master shkencor e jo si profesional duke qetësuar studentët e diplomuar me sistemin e vjetër universitar.
Ndryshimi erdhi pasi diplomat e deridjeshme universitare, katërvjeçare, rikonvertoheshin por nuk konvertohej në diplomë, MND.
Kurse tani, Masteri i Nivelit të Dytë pra ai 1-vjeçar, konvertohet në Master Shkencor, ndërsa të 90 kreditet e tij, konvertohen për vitin e parë të doktoraturës. Në këtë mënyrë, lëndët që janë zhvilluar gjatë këtij masteri, janë të vlefshme dhe për vitin e parë të doktoraturës.
Ndërkohë, sipas ndryshimit që iu bë ligjit për Arsimin e Lartë në Komisionin Parlamentar të Edukimit, studimet kastor vjeçare, do të njihen si Master Shkencor.
Në këto kushte, ata studentë të cilët i vazhdojnë studimet sipas skemës 4+1, do t’u njihen dy Masterë Shkencorë.
Në këtë mënyrë, ata fitojnë mundësinë që të kalojnë në doktoraturë, duke iu njohur gjithashtu lëndët në vitin e parë të këtyre studimeve të përparuara.
r.n/NOA
