Pbkd: Pavarësia E Kosovës, Faktor Paqeje Në Ballkan
TIRANË, 22 Korrik/ATSH, A.Gegvataj /- Partia e Ballit Kombëtar Demokrat përshëndeti sot vendimin e Gjykatës së Hagës, si një vendim që do të ndihmojë në njohjen e mëtejshme të Republikës së Kosovës dhe realizmin e një paqeje afatgjatë në Ballkan.
Në një dekleratë për shtyp, PBKD thekson se "shqiptarët duhet të jenë krenarë për historinë dhe përpjekjet e tyre për krijimin e shtetit shqiptar, që gjithmonë e kanë parë atë si një faktor të rëndësishëm për paqen në rajon".
PBKD nënvizon se "pavarësia e Kosovës dhe vendimi i GJND-së, janë vërtetimi më i qartë i paralajmërimit të shqiptarit të madh Mid'hat Frashëri që me Kosovën, duke ia lënë Jugosllavisë, Europa bën një gabim që do t'i duhet ta korrigjojë".
Gjithashtu, sipas njoftimit për shtyp kjo forcë politike shpreh besimin se "Ramush Haradinaj, kryetar i AAK dhe ish-kryeministër i Kosovës, do të mbrojë sërish pafajësinë e tij"./ch/
