Francë, 22 Korrik 2010 NOA/ Rid Bulku - Përfitonte në kohën kur pasagjerët flinin dhe kjo për të vjedhur ata gjatë gjumit, më pas me mirësinë e saj të zakonshme i shoqëronte deri në ulje të avionit.
Protagoniste e kësaj ngjarje është një stjuardese e linjës ajrore të fluturimit “Air France”, e cila është arrestuar pasi bëri një plaçkitje të udhëtarëve të një fluturim në Japoni, duke i marrë atyre bizhuteri dhe para që ndodheshin në valixhet e dorës.
Gruaja ka vepruar e pashqetësuar mbi 142 fluturime të kompanisë franceze. Policia ishte alarmuar në janar, pasi pesë pasagjerë në një fluturim në Tokio kishin humbur një shifër me vlerën e 4 mijë eurove.
Hetimi çoi në arrestimin e gruas, një 47 vjeçare, e cila gjatë gjashtë muajve të fundit, ka lehtësuar bagazhet e dorës të udhëtarëve të klasit të biznesit në 142 fluturime të Air France. Gruaja fillonte aksionin e saj kryesisht në fluturimet e natës, ndërsa pasagjerët ishin në gjumë.
Sendet e gjetura janë një orë dore e kushtueshme, një unazë, por edhe disa bankënota, karta krediti dhe checkbooks.
E ndaluar në aeroportin e Parisit “Roissy Charles de Gaulle”, ditën e premte, gjatë kthimit nga Tokio, stjuardesa ka pranuar të ketë bërë këto plaçkitje në të paktën 26 fluturime, duke shpjeguar se filloi të bënte këtë gjë që në marsin e 2009 për “probleme ekonomike”.
r.b/NOA
