SHBA, 23 korrik 2010, NOA -Teknologjia në favor të drejtimit të sigurt të makinës dhe kundër alkoolit të tepërt. Autoritetet në Nju Jork kane vendosur një ligj të ri për shoferët të cilët kanë tendencë të dehurit. Sic shpjegon New Jork Post, në 15 gusht do të hyjë në fuqi një ligj me kufizime të reja për shoferët me precedentë në dhënien e makinës nën ndikimin e alkoolit.
Rreth 400 mijë shoferë njujorkezë të dënuar për dhënien e makinës në gjendje të dehur duhet të instalojnë në makinat e tyre "detektori e alkoolizmit", një pajisje ku testohet alkooli përpara nisjes. Nëse përqindja e alkoolit në gjak i kalon 0,25% - një e treta e parashikuar nga ligji, paisja do të pengojë motorin të ndizet.
Sipas një raporti në New Jork Post, pajisja do të instalohet për 100 dollarë plus tarifes mujore.
Për më tepër, nëse shoferi provon përsëri e në rast dështimi pajisja bën një zhurmë të bezdisshme që e detyron shoferin të ndalojë.
Ndërkohë FIPE (Federazione Italiana Pubblici) e konsideron të drejtë ligjin amerikan për sigurinë rrugore dhe ka kërkuar që dhe BE të miratojë një ligj të ngjashëm.
Lino Enrico Stoppani, Presidenti i FIPE, thotë: "Do të jetë një nga masat më efektive për t'u përballur me këtë fenomen. Për shumë vite kemi mbështetur vlefshmërinë dhe efikasitetin e kësaj pajisjeje dhe kohët e fundit me referencat tona në Bruksel. Edhe Komisioni i Transportit të Bashkimit Evropian mund të marrë hapa për të iniciuar legjislacionin e ngjashëm me ligjin amerikan. Kërkesa jonë do të jetë më e fortë në qoftë se mbështetet nga ministrat dhe politikanët tanë", përfundon Stoppani.
a.e/NOA
