Shkodër: Burg Pa Afat Për Vrasësin E Bashkëshortes Dhe Vajzës Së Tij
SHKODËR, 26 Korrik/ATSH-G. Marku/- Gjykata e rrethit Shkodër dha të hënën masën e arrestit burg pa afat për Pjetës Pjollin, i dyshuar për vrasjen e bashkëshortes dhe vajzës së tij tre ditë më parë.
Burime nga Gjykata thanë se Pjolli, 46 vjeç, e ka pranuar autorësinë e vrasjes, por pretendoi se krimin e ka kryer në kushtet e vetëmbrojtjes.
Sipas pohimeve të tij përpara trupit gjykues, ai ka qënë i kërcënuar nga bashkëshortja e tij me jetë, pasi ajo mbante nën jastëk një pistoletë, prandaj në këto kushte ai është vetëmbrojtur.
Në lidhje me vrasjen e vajzës së tij Kristina, Pjolli , ai është shprehur se e ka vrarë pa dashje.
Ngjarja ndodhi tre ditë më parë në banesën e familjes Pjolli, kur gjatë kohës së kryerjes së krimit gjendeshin çifti bashkëshortor së bashku me vajzën e tyre, ndërkohë që dy djemtë e tyre kanë emigruar prej vitesh në Itali./ch/
