Durrës, 27 Korrik, NOA - Në vijim të operacionit “Shëtitësit”, të zhvilluar nga strukturat e policisë së Durrësit, në drejtim të parandalimit e goditjes së veprave penale kundër pronës, u bë arrestimi në flagrancë i dy personave të shpallur në kërkim.
Siç ato konfirmojnë për agjencinë e Lajmeve NOA, bëhet fjalë për personat me inicialet Xh.A., 14-vjeç dhe D.D., 17-vjeç; që të dy lindur dhe banues në Vorë të Tiranës.
Arrestimi i tyre u bë për arsye se ata janë kapur në flagrancë nga ana e patrullës së policisë në mjediset e dyqanit që është pronë e personit me inicialet E.Q. në qytetin e Durrësit.
Po kështu, në vijim të punës hetimore të kryer, u arrit të dokumentohet se këta dy persona në fjalë, në bashkëpunim edhe me personin B.Xh. (tashmë i arrestuar për këtë ngjarje), janë autorë të dyshuar të vjedhjes së lokalit të personit me inicialet M.T.; ngjarje kjo e ndodhur dy ditë më parë në qytetin e Durrësit.
U kryen te gjitha veprimet hetimore dhe materialet për veprën penale të “Vjedhjes së kryer në bashkëpunim”, të cilat iu kaluan për ndjekje prokurorisë së Durrësit.
n.e/NOA
