Shkodër: Mëngjes Me Reshje Shiu Në Shkodër
SHKODËR, 27 Korrik/ATSH-G. Marku/- Ka fillur me reshje shiu mëngjesi i sotëm në qytetin e Shkodrës. Mbrëmjen e djeshme shirat ishin sporadike dhe gjatë natës pushuan për të rifilluar në mëngjes.
Rreth orës 08.00 moti me shi erdhi duke u shtuar dhe duke u bërë problematik për lëvizjen në këmbë të qytetarëve.
Kësisoj, qytetin e kanë mbuluar edhe vranësira të shumta shoqëruar me bubullima të shpeshta. Veç reshjeve të shiut janë ulur ndjeshëm edhe temperaturat.
Një situatë e tillë mësohet të jetë edhe në plazhin e Velipojës, ku gjatë natës deti ka qënë shumë i trazuar, me dallgë të larta, shoqëruar edhe me një baticë, e cila ka bërë që uji i detit të depërtrojë në thellësi të bregut të rërës duke vënë nën ujë një pjesë të mirë të çadrave të dielit të pushuesve./ch/
