Drucas Në Vizitë Zyrtare Në Serbi
BEOGRAD, 28 korrik /ATSH-TANJUG/ - Zëvendësministri grek i Punëve të Jashtme, Dhimitris Drucas do të zhvillojë të premten një vizitë zyrtare në Serbi, njoftoi ambasada greke në Beograd për agjencinë serbe të lajmeve, TANJUG.
Drucas deklaroi të hënën se Greqia do të ketë kontakte me Serbinë dhe Kosovën dhe se ajo nuk do t'i kursejë përpjekjet për gjetjen e një zgjidhjeje të pranueshme për të dyja palët.
Greqia është një nga pesë vendet anëtare të BE-së që nuk e ka njohur ende pavarësinë e Kosovës./
a.jor.
