Fier: Prangoset Vjedhesi I Bizhuterive
FIER, 28 Korrik /ATSH -Rr.Isufaj / - Pas një pune gati tremujore dhe një bashkëpunimi të frytshëm me efektivat e drejtorisë së policisë së Tiranës, policia e Fierit ka prangosur autorin e vjedhjes së një argjendarie në lagjen "Konferenca e Pezës" të qytetit të Fierit.
Burime te policise lokale bejne te ditur se, "autori, i cili dyshohet ta ketë shtrirë aktivitetin në disa qytete, kryesisht në Tiranë, ra në prangat e policisë pas një pune të mirëorganizuar hetimore. 25-vjeçari Ahmet Bellau, lindur në Përmet e banues në Tiranë, kishte javë që ishte vënë nën vëzhgim policor".
Sipas te njejtave burime, strukturat e policisë po vazhdojnë kryerjen e veprimeve të tjera hetimore, si dhe dokumentimin e plotë ligjor të vjedhjes se argjendarisë në pronësi të shtetasit me inicialet I.K.
Ngjarja ka ndodhur në datën 12 maj të këtij viti, kur Bellau ka vjedhur në mes të ditës argjendarinë. /a.ke/
