Kosovë - Sejdiu Ngushëllon Presidentin E Pakistanit Për Viktimat E Aksidentit Ajror
PRISHTINË, 28 Korrik /ATSH-B.Jashari/ - Presidenti i Republikës së Kosovës, Fatmir Sejdiu i dërgoi një telegram ngushëllimi Presidentit të Pakistanit, Asif Ali Zardari, për aksidentin tragjik ajror me 152 viktima.
"Në emër të popullit dhe të institucioneve të Republikës së Kosovës, ju shpreh ngushëllimet më të sinqerta për shuarjen e jetës së mbi 150 bashkëqytetarëve tuaj, të cilët pësuan në aksidentin e sotëm pas rrëzimit tragjik të një aeroplani komercial", thuhet në telegram./ch/
