Katër ditë pas polemikës së Hockenheim, Felipe Massa është prezantuar në konferencën e parë për shtyp në Budapest dhe kjo me vetëdijen se të gjithë gazetarët do t’i bënin një lumë pyetjesh në lidhje me kalimin e garës së fundit.
“E dimë mjaft mirë se shpesh herë në jetë duhet të përballemi me momente të vështira. Janë situata të cilat na mësojnë dhe na bëjnë më të fortë për të ardhmen. Tashmë ndodhem në Hungari dhe jam këtu për të luftuar për vendin e parë pasi nuk ndihem aspak piloti i dytë në këtë skuadër”, - këto ishin fjalët e pilotit brazilian Felipe Massa.
r.b/NOA
