Sport - Shqipëria Me 4 Sportistë Në Lojërat Olimpike Rinore 'Singaporë 2010"
TIRANË, 30 Korrik/ ATSH- Gjergji Mima/ - Shqipëria do të përfaqësohet me 4 sportistë në edicionine e parë të Lojërave Olimpike Rinore, që do të zhvillohen në Singapor në datat 14-26 gusht.
Sipas Komitetit Olimpik Kombëtar Shqiptar, "ekipi olimpik përbëhet nga 4 sportistë dhe do të perfaqësohet në 4 disiplina të ndryshme sportive".
Atletët që do të përfaqësojnë Shqipërinë në Lojërat Olimpike Rinore "Singapor 2010" janë atleti Julsian Guga, xhudistja Julanda Bacaj, Marsel Nika i sportit të vozitjes dhe notarja e talentuar Reni Jani.
"Këta atletë u vendosën pas një mbledhjeje që u zhvillua në zyrat e KOKSH me anëtarët e delegacionit shqiptar në Lojërat Olimpike Rinore "Singapor 2010", sqaruan për ATSH-në burime pranë KOKSH, të cilat shtuan se, shefi i Misionit do të jetë Viron Bezhani, i cili është njëkohësisht edhe kryetar i Komisionit Teknik të KOKSH".
Sportistët që do të përfaqësojnë Shqipërinë në Lojërat Olimpike Rinore "Singapor 2010"
Julsian Gega - Atletike - M
Julanda Bacaj - Xhudo - F
Marsel Nikaj - Vozitje - M
Reni Jani - Not - F
/a.ke/
